2011 йилнинг биринчи ярим йили давомида Малайзия томонидан ажратилган умумий қиймати 30.0 минг АҚШ долларига тенг грантни ўзлаштириш бўйича ташкилий ишлар охирига етказилди. Бу йўналишда қуйидаги ишлар қилинган: тиббий муассасалар учун замонавий тиббий ускуналар, маиший техника харид қилинди. 2011 йилнинг 10 март кунида Жамғарманинг конференциялар залида харид қилинган анжом ва ускуналарни Бухоро, Жиззах, Сурхондарё, Сирдарё вилоятларидаги сил касалликларини даволашга ихтисослашган муассасалар, шунингдек, Наманган вилоятидаги меҳнат фахрийлари профилакторийси вакилларига тантанали топшириш маросими ўтказилди.
Бу маросимда Ўзбекистон Республикасининг Хорижий ишлар, Халқ таълими, Соғлиқни сақлаш вазирликларининг вакиллари, шунингдек, Малайзиянинг Ўзбекистон Республикасидаги мухтор ва фавқулодда элчиси – Абдул Азиз Бин Хорун иштирок этишди.
Маросимда Андижон, Самарқанд, Тошкент, Сурхондарё ва Фарғона вилоятларидаги Тиббий ижтимоий патронаж тизимининг сайёр бригадалари вакилларига «Zeromax GMBH» компанияси томонидан ажратилган грант маблағлари ҳисобига сотиб олинган 5 та ультра товушли диагностика ускунаси топширилди.
“Соғлом авлод учун” халқаро хайрия жамғармаси Малайзиянинг Узбекистондаги элчихонаси билан хамкорлик алокаларини урнатган. Хамкорлик алокалар доирасида 2010 йил 22 сентябр куни Малайзиянинг Узбекистондаги элчихонаси томонидан 30 000 АКШ доллари микдорида хайрия маблаги жалб этилди ва Сурхондарё вилояти болалар сил касаллиги санаторияси, Сирдарё вилояти болалар сил касаллиги диспасери, Жиззах вилояти болалар сил касаллиги шифохонаси ва болалар сил касаллиги санаторяси, Бухоро вилояти болалар сил касаллиги санаторияси хамда Ромитон туманидаги 26-сонли аклан заиф болалар махсус мактаб интернати учун зарур тиббиёт ускуналари ва анжомлари хамда спорт инвентарларидан иборат жихозлар сотиб олинди ва таркатилди.
