O‘zbekiston Respublikasi Prezidentining 1993 yil 23 apreldagi Farmoniga binoan “Sog‘lom avlod uchun” hukumatga karashli bo‘lmagan xalqaro hayriya jamg‘armasi tashkil etildi.
Jamg‘armaning ko‘p qirrali faoliyati Koraqalpog‘iston Respublikasi, viloyatlar va Toshkent shahridagi 14 ta mintaqaviy filial va 100 dan ortiq tayanch maskani faoliyati hisobiga ta’minlanmokda. Bular Jamg‘arma ustavi va Nizomida ko‘rsatilgan maqsad va vazifalarni joylarda amalga oshiruvchi mintaqaviy bo‘g‘in hisoblanadi.
Jamg‘arma o‘z faoliyati doirasida hukumatga kiritgan takliflar asosida 1993-2003 yillar mobaynida Vazirlar Mahkamasining 9 ta Qarori va 1 Farmoyishi qabul qilindi, jumladan:
- Vazirlar Mahkamasining 1993 yil 3 iyuldagi 268-Qarori bilan “Sog‘lom avlod uchun xalqaro hayriya jamg‘armasi faoliyatini tashkil etish to‘g‘risida” qoida tasdiqlandi.
- Shuningdek “Sog‘lom avlod uchun” xalqaro hayriya jamg‘armasining takliflari to‘g‘risida” (1993 yil 28 oktyabrdagi 524-qaror)
- “Yosh avlodni sog‘lomlashtirish muammolarini kompleks hal qilish to‘g‘risida”, bu qaror bilan yosh avlodni sog‘lomlashtirish dasturi tasdiqlandi. (1993 yil 3 dekabrdagi 589-qaror)
- “Sog‘lom avlod uchun” xalqaro hayriya jamg‘armasi korxonalari, birlashmalari, tashkilotlaridan imtiyozli soliq olish to‘g‘risida” (1994 yil 8 fevraldagi 61- qaror)
- “Sog‘lom avlod uchun” xalqaro hayriya jamg‘armasini davlat qo‘llab-quvvatlash to‘g‘risida” (1994 yil 5 martdagi 119-qaror)
- “O‘zbekiston Respublikasida tibbiy-ijtimoiy patronaj tizimini tashkil etish to‘g‘risida” (1996 yil 22 fevral 71-sonli qaror)
- “Toshkent ixtisoslashgan xotin-qizlar kollejini tashkil etish to‘g‘risida”. (1997 yil 207-sonli qaror)
- Bolalikdan nogironlar tug‘ilishining oldini olish uchun yangi tug‘ilgan chaqaloqlar hamda xomilador ayollarda tug‘ma va boshqa patalogiyani barvaqt aniqlash bo‘yicha “Ona va bola skrininggi” davlat tizimini tashkil etish to‘g‘risida. (1998 yil 1 aprel 140- sonli qaror)
- Hukumatga qarashli bo‘lmagan “Sog‘lom avlod uchun” xalqaro hayriya jamg‘armasining ish faoliyatini takomillashtirish haqida. (2000 yil 4 mart 74-sonli qaror)
- “Sog‘lom avlodni kamol toptirish bo‘yicha o‘quv-sog‘lomlashtirish dasturini amalga oshirish to‘g‘risida” O‘zbekiston Respublikasi Vazirlar Mahkamasining Farmoyishi. (1998 yil 427-F-sonli).
