Жанубий Корея

“KOFIH” Корея халқаро соғлиқни сақлаш жамғармаси билан ўзаро ҳамкорлик алоқалари

Номи юқорида зикр этилган ташкилот билан ўзаро ҳамкорлик алоқаларини амалга ошириш дастури доирасида Жамғарма қошидаги Тиббий ижтимоий патронаж марказини реорганизация қилиш бўйича лойиҳа амалга оширилди. Лойиҳага кўра Марказнинг янги биноси қурилиб ишга топширилди, Марказ янги замонавий техник воситалар билан жиҳозланди. Бундан ташқари, Марказнинг ходимлари ўз касбий малакасини ошириб олишга муваффақ бўлдилар. Лойиҳанинг умумий қиймати 560.0 АҚШ долларига тенг бўлди.

2010 йилнинг 24 -31 январь кунларида Корея Республикасидан келган муҳандислар делегацияси томонидан Ўзбекистон Республикаси Соғлиқни сақлаш вазирлигининг Дори-дармон воситалари ва тиббий ускуналарнинг сифатини назорат қилиш Бош бошқармаси билан келишилган ҳолда Марказда янги замонавий тиббий техника, офис мебеллари ва оргтехника ўрнатилди. Бу асбоб-ускуналар, офис мебеллари ва оргтехника илгарироқ гуманитар ёрдам юки билан келтирилганди.

2011 йилнинг 10 февралида Тиббий ижтимоий патронаж марказининг янги биноси тантанали равишда ишга топширилди. Бу маросимда қатнашиш учун жорий йилнинг 9-11 февралида Корея Республикасидан “KOFIH” ташкилотининг директори жаноб Хан Кванг Су бошчилигида делегация келганди. Тантанали маросимда республикамизнинг турли хил вазирликлари ва муассасаларидан, Корея Республикасининг Ўзбекистондаги элчихонаси, Корейс маданияти марказлари ассоциацияси вакиллари, шунингдек, оммавий ахборот воситалари ходимлари, Жамғарма ва Марказнинг мутасадди ходимлари қатнашишди.

Қурилиш компанияси томонидан Марказ ҳудудини ўраб турувчи тўсиқларни ўрнатиш, бинонинг юза қисмини алюбонд типидаги панеллар билан қоплаш каби қўшимча таъмирлаш ишлари ҳам бажарилди. Жамғарма ходимларининг кучи билан Марказ ҳудуди ободонлаштирилди.

“KOFIH” Корея халқаро соғлиқни сақлаш жамғармаси ўз вақтида Жамғарма қошидаги Тиббий ижтимоий патронаж Марказига ҳамда Ўрта Чирчиқ туман болалар касалхонасига гуманитар ёрдам тариқасида берилган тиббий ускуналарга техник ёрдам беришда давом этмоқда. Жумладан, жорий йилнинг 17-24 май кунлари “KOFIH” Корея халқаро соғлиқни сақлаш жамғармасининг 3 та муҳандисидан иборат гуруҳ Жамғарма қошидаги Тиббий ижтимоий патронаж Марказига  ҳамда Ўрта Чирчиқ туман болалар касалхонасига келиб бу ердаги, шунингдек, “Хёндай” автомобили негизидаги мобил клиниканинг тиббий ускуналарини таъмирлаб беришди.

“KOFIH” Корея халқаро соғлиқни сақлаш жамғармаси ҳамда “Соғлом авлод учун” халқаро хайрия жамғармаси ўртасида тузилган шартномага мувофиқ Тиббий ижтимоий патронаж базасида болалар ўйингоҳини яратиш учун 30 минг АҚШ доллари миқдорида маблағ ажратилди.

Ўз вақтида ишлаб чиқилиб тасдиқланган “Мобил клиника” лойиҳасини давом эттириш мақсадида ўтган ҳисобот йилида “Хёндай” автомобили негизидаги мобил клиниканинг регионлараро бригадаси ходимлари томонидан 1.914 та оила тиббий кўрикдан ўтказилди. Ижтимоий ёрдамга муҳтож аҳолига гуманитар ёрдам кўрсатилди.

Жорий ҳисобот йилининг биринчи ярим йилида регионлараро патронаж бригаси аъзолари республикамизнинг Мирзачўл, Жиззах, Зарбдор, Зомин, Янгийўл туманидаги, Тошкент шаҳрининг Сирғали  туманидаги 72 та қишлоқ ва 152 та маҳаллаларда, шунингдек, Тошкентдаги Марказий банк ходимлари орасида  ҳаёт кечиришнинг ижтимоий шарт-шароитларини ва оилада психологик муҳитни ўрганиш, оила аъзоларининг, айниқса, фертил ёшдаги аёллар, ўсимир ва ёш болаларнинг сихат саломатлиги қай даражада эканини аниқлаб олиш мақсадида тиббий ижтимоий патронаж ишларини амалга оширишди. Шу билан бир қаторда оилада соғлом турмуш тарзини шакллантириш бораисда муайян ишларни қилишди.

Тиббий-ижтимоий патронаж хизмати давомида жами 12.545 та одам тиббий кўрикдан ўтказилди, шу жумладан, 7.902 та аёл (улар орасида 6.532 та фертил ёшдаги аёллар, 1.370 та ёши катта аёллар, 933 та ҳомиладор аёллар); 1.713 та ёш болалар;  2.158 та ўсмирлар (уларнинг 2.079 қизлар); 772 та эркак киши.

Тиббий-ижтимоий патронаж кўригидан ўтказилган кишилар орасида турли хил касалликларга чалинган 8.878 та бемор аниқланди. Уларга зарур тиббий, ижтимоий ва гуманитар ёрдам берилди. Ижтимоий риск гуруҳига киритилган оилаларнинг манзили аниқланиб бевосита у ерга бориб тиббий ва гуманитар ёрдам кўрсатилди. Жами 8.868 та упаковка, 5.209 дона дори-дармон, 6.115 дона санитария – гигиена предметлари тарқатилди. Кўрсатилган гуманитар-ижтимоий ёрдамнинг умумий қиймати 6.498.4 минг сўмни ташкил қилди.

Тиббий кўрикдан ўтказиш давомида ультра товушли сканерлаш мосламаси ёрдамида 4.756 та (37.9%), электрокардиограмма ускунаси ёрдамида 2.168 та (17.2%), қондаги гемоглобин миқдорини аниқлаш бўйича 10.809 (86.1%), глюкометрия бўйича 1.320 та (10.5%) лаборатория текширувлари амалга оширилди.

Амалга оширилган тиббий кўрикларнинг самарадорлигини янада юксалтириш учун эндокринология, онкология ва гинекология соҳаларидаги мутахассислар ҳам жалб қилинди. Ушбу йўналишлардаги тиббий текширувлардан ўтган одамларнинг 426 нафарида (4.2%) эндокринологияга, 119 нафари (1.2%) онкологияга, 506 нафари (5%) гинекологияга тегишли касалликлар борлиги аниқланди.

Тиббий ижтимоий патронажнинг регионлараро сайёр бригадаси фаолияти давомида маҳаллалардаги хотин-қизлар қўмиталари билан ҳамкорликда жами 166 та маъруза, 10 та давра суҳбати уюштирилди. Аҳоли ўртасида “ОИТС қандай дард?”, “Қариндошлар ўртасида тузиладиган никоҳнинг қандай нохуш оқибатлари бор?”, “Скрининг марказларида туғма ва ирсий касалликларни аниқлаш қандай амалга оширилади?”, “Ёш болаларда туғма аномалияларнинг келиб чиқиш сабаблари”, “Наркомания”, “Оила ва никоҳ”, “Экстрагенитал касалликлар”, “Бепуштлик”, “Репродуктив саломатлик ва ўсмир қизлар гигиенаси”, “Камқонликни олдини олиш мумкинми?”, “Қалқонсимон безнинг диффузион катталашуви”, “Ёш болаларда инфекция ва паразитлар келтириб чиқарадиган касалликлар”, “Вируслар келтириб чиқарадиган гепатит”, “Қандли диабет”, “Она бўлган ёш аёлларга маслаҳатлар”, “Ҳомиладор аёлларга маслаҳатлар” ва бошқа шу каби долзарб масалаларга бағишланган мавзуларга оид буклетлар тарқатилди.

“KOFIH” Корея халқаро соғлиқни сақлаш жамғармаси билан ҳамкорликда ишлаб чиқилган лойиҳани амалга оширишни давом эттириб Ўзбекистон Республикаси соғлиқни сақлаш тизимидаги мутахассисларни Корея Республикаси касалхоналарида малака ошириб қайтиши ҳақидаги шартномага мувофиқ номзодлар танлов маросими ўтказилди. Танловда ғолиб деб топилган қуйидаги 2 нафар мутахассис жорий йилнинг 7 июнидан 18 ноябригача сафарга жўнатилади:

1. 1984 йилда туғилган Нурбаев Тимур Аликович, врач-реаниматолог, Республика ихтисослашган кардиология маркази ўткир миокард инфаркти бўлинмасининг кичик илмий ходими.
2. 1981 йилда туғилган Рахмонова Дилфуза Равильевна, Самарқанд шаҳар Болалар стоматологик поликлиникасининг врач – ортодонти.

Номи юқорида зикр этилган номзодлар Кореяга 5 июнь куни учиб кетишди. Шу йилнинг 18 ноябрида улар юртимизга қайтиб келишади.

“KOFIH” Корея халқаро соғлиқни сақлаш жамғармаси қошида касбий малакасини ошириб қайтиш учун тиббий ускуналар муҳандисларидан 3 кишининг номзоди ҳам танлаб олинди. Номи қуйида зикр этилган ходимлар жорий йилнинг 5 июлидан то 25 августгача сафарда бўладилар:

1. Ниёзимбетов Равшанбек Ахметович, 1966 йилда туғилган, Зангиота тумани Тиббий бирлашмасининг тиббий ускуналар бўйича муҳандиси.

2. Мингалиев Элдор Мансурович, 1986 йилда туғилган, Республика Илмий Шошилинч тиббий ёрдам марказининг тиббий ускуналар бўйича муҳандиси.

3. Эркинов Аъзам Анвар ўғли, 1988 йилда туғилган, Республика Илмий Шошилинч тиббий ёрдам марказининг тиббий ускуналар бўйича муҳандиси.

Сеул (Жанубий Корея) Миллий Университети қошидаги госпитал билан ўзаро ҳамкорлик алоқалари

2010 йилнинг 25 августида Сеул Миллий Университети қошидаги госпиталь, Ўзбекистон Республикаси Соғлиқни сақлаш вазирлиги ва “Соғлом авлод учун” халқаро хайрия жамғармаси ўртасида имзоланган Келишувга биноан кўпгина хайрия акциялари амалга оширилди. Шу жумладан, республикамизда туғилиб ўсган туғма юрак хасталиги бор бўлган ёш болаларни даволаш борасида ҳам тегишлича ишлар бажарилмоқда. Мазкур Келишувга биноан жорий йилнинг 15-18 февраль кунларида республикамизга Сеул Миллий Университети қошидаги госпитальнинг мутахассислари келишиб туғма юрак хасталиги бор бўлган ёш болаларни кўздан кечириб улар орасидан кейинчалик жарроҳлик йўли билан даволаш талаб этиладиган беморларни танлаб олишди. Жамғарма қошидаги Тиббий ижтимоий патронаж марказининг биносида корейс шифокорлари томонидан 40 нафар бемор болалар кўрикдан ўтказилиб улардан 9 тасини кейинчалик жарроҳлик йўли билан даволаш учун ажратиб олдилар.

Ўзбекистон Республикаси Бош вазирининг ўринбосари томонидан 2011 йилнинг 22 мартида тасдиқланган Хорижий меҳмонларнинг юртимизга ташрифини уюштириш дастурига мувофиқ 27 мартдан 3 апрельгача мамлакатимизга Сеул Миллий Университети қошидаги госпитальнинг бир қанча мутахассислари юртимизнинг клиникаларида туғма юрак хасталигига чалинган ёш беморларни даволаш учун келишди. Хорижий делегациянинг таркибида шифокорлардан ташқари мазкур хайрия акциясини молиялаштирган “Шинхан” банкининг мутасадди ходимлари ҳам келганди.

28 мартдан 2 апрельга қадар даврда корейс мутахассислари Тошкент Педиатрия тиббиёт институтининг базасида республикамиз шифокорлари билан биргаликда жарроҳлик операцияларини амалга оширдилар. Бундан ташқари, корейс мутахассислари республикамизнинг турли регионларидан келган 100 нафар беморларга консультатив-диагностик ёрдам кўрсатдилар. Вазият тақозосига кўра хорижий меҳмонларнинг юртимизга ташрифи дастурига муайян ўзгартиришлар киритилиб зудлик билан 2 нафар ёш беморга жарроҳлик операциялари қилинди. Шундай қилиб, ташриф даврида корейс шифокорлари туҳма юрак хасталиги бор бўлган 11 та боланинг саломатлигини қайтадан тиклашга ёрдам қилишди.

Шу нарсани алоҳида таъкидлашимиз жоизки, Сеул Миллий Университети қошидаги госпитальнинг шифокорлари тиббий муолажалар учун зарур бўладиган барча дори-дармонлар, тиббий асбоб-ускуналар, инструментларни ўзлари билан олиб келишганди. Уларнинг ортиб қолган қисми кейинчалик Жамғармага хайрия ёрдами сифатида ташлаб кетилди. Гуманитар ёрдам сифатида жумладан умумий қиймати 10.0 АҚШ долларига тенг бўлган сунъий қон алмаштириш ускунаси ҳам қолдириб кетилганди. Кейинчалик ушбу ускуна Тошкент Педиатрия тиббиёт институтига берилди. Шу билан бирга инсонпарварлик ёрдами сифатида 12 оксигенератор, ушбу ускуна учун керакли 14 та линия ҳам берилганди. Жамғарма ходимлари ушбу тиббий ускуналарни республикамизнинг ижтимоий ҳимояга муҳтож, кам таъминланган оилаларига бериб юборди. Олинган ускуналардан фойдаланган ҳолда Тошкент Педиатрия тиббиёт институтининг клиникасида яна бир қанча туғма юрак хасталиги бор бўлган ёш беморлар дардига шифо топди. Сеул Миллий Университети қошидаги госпиталь ҳамда “Шинхан” банки томонидан бизга кўрсатилган инсонпарварлик ёрдамининг умумий қиймати 21.5 АҚШ долларини ташкил этди.

 

Ин ха (Жанубий Корея) Миллий Университети қошидаги госпиталь билан ўзаро ҳамкорлик алоқалари

2010 йилнинг 25 августида Ин ха Миллий Университети қошидаги госпиталь, Ўзбекистон Республикаси Соғлиқни сақлаш вазирлиги ва “Соғлом авлод учун” халқаро хайрия жамғармаси ўртасида имзоланган Келишувга биноан жорий йилнинг 29 май – 5 июнь кунларида республикамизга Ин ха (Жанубий Корея) Миллий Университети қошидаги госпитальдан 13 кишидан иборат делегация ташриф буюрди.

29 май куни Жамғарманинг мутасадди ходимлари хорижий меҳмонларни Тошкент аэропортида кутиб олишди.

30 май куни Жамғарма қошидаги Тиббий ижтимоий патронаж марказида хорижий шифокорлар пойтахтимизнинг турли туманларидан келган 217 кишини тиббий кўрикдан ўтказдилар, кўрикдан ўтказилган барча одамларга врач тавсиясига кўра бир маротабалик даво муолажасига учун керакли дори-дармонлар берилди.

31 май куни Тошкент вилояти Юқори Чирчиқ туманидаги Суранкент қишлоғида жойлашган “Ориранг” номли қариялар уйида истиқомат қилувчи 233 киши тиббий кўрикдан ўтди. Кўрикдан ўтказилган барча одамларга врач тавсиясига кўра бир маротабалик даво муолажасига учун керакли дори-дармонлар берилди.

1 июнь куни делегация вакиллари Навоий шаҳрига жўнаб кетди. 2-3 июнь кунлари корейс мутахассислари вилоятда истиқомат қилувчи аҳоли ҳамда Навоий шаҳар аэропортида ишлайдиган ходимлардан иборат 383 кишилик гуруҳни тиббий кўрикдан ўтказиб, кўрикдан ўтказилган барча одамларга врач тавсиясига кўра бир маротабалик даво муолажасига учун керакли дори-дармонлар берилди.

Хорижий делегация Навоий вилоятида 5 июньга қадар бўлди шу давр ичида меҳмонлар томонидан жами 833 киши тиббий кўрикдан ўтказилди. Улардан 4 нафари Кореяда даволаниш жўнатилганди.  Қайтиш чоғида меҳмонларга Самарқанд ва Бухоро шаҳарларининг тарихий обидалари кўрсатилди.

Ин ха (Жанубий Корея) Миллий Университети қошидаги госпиталь вакиллари ҳам юртимизга умумий қиймати 120.7 минг АҚШ долларига тенг турли хил дори-дармонлар ва тиббий жиҳозлардан иборат гуманитар ёрдам юкини олиб келишганди. Навоий вилоятида амалга оширилган тадбирлар давомида ушбу хил дори-дармонлар ва тиббий жиҳозлардан фойдаланилди. Уларнинг ортиб қолган қисми Жамғарма ихтиёрига хайрия ёрдами сифатида топширилди.

Хайрлашув олдидан корейс делегациясининг раҳбари Жамғарма ходимларига меҳмондўстлик учун чуқур миннатдорчилик билдирди ва келгусида ҳам худди шундай хайрли ишларни давом эттириш истаги борлигини изҳор қилди.

5 июнь куни хорижий меҳмонларнинг юртимизга ташрифи дастурига мувофиқ Ин ха Миллий Университети қошидаги госпиталь вакиллари ўз ватанига жўнаб кетишди.

 

“Junior Chamber International – JCI Korea” (Жанубий Корея) ёшлар ташкилоти билан ҳамкорлик

Жорий йилнинг 25-28 март кунлари “Соғлом авлод учун” халқаро хайрия жамғармасига “Junior Chamber International – JCI Korea” (Жанубий Корея) ёшлар ташкилотининг 4 вакилидан иборат делегация ташриф буюрди. Учрашув давомида томонлар ўзаро ҳамкорлик асосида республикамизда турли хил хайрия акцияларини амалга ошириш, шу жумладан, туғма юрак хасталиклари бор бўлган ёш болаларни аниқлаб кейинчалик уларга Корея клиникаларида малакали тиббий ёрдам кўрсатилишига кўмаклашиш, шунингдек жорий йилнинг май ойида “Оғриқсиз юрак” деб номланган хайрия концертини уюштиришдан иборат эди.

Ўзбекистон Республикаси Бош вазирининг ўринбосари томонидан 2011 йилнинг 27 апрелида тасдиқланган Хорижий меҳмонларнинг юртимизга ташрифини уюштириш дастурига мувофиқ 28 апрельдан 2 майгача мамлакатимизга 12 кишидан иборат “Junior Chamber International – JCI Korea” (Жанубий Корея) ёшлар ташкилоти ҳамда Кореянинг Ча университети қошидаги Бундан Ча госпитали ходимларидан ташкил топган делегацияси келди.

30 апрельнинг биринчи ярмида “Junior Chamber International – JCI Korea” (Жанубий Корея) ёшлар ташкилоти, Кореянинг Ча университети қошидаги Бундан Ча госпитали ходимлари, “Соғлом авлод учун” халқаро хайрия жамғармасининг мутасадди ходимлари ва Ўзбекистон Республикаси Соғлиқни сақлаш вазирининг биринчи ўринбосари А.Камиловалар ўртасида учрашув бўлди. Учрашув давомида хайрия ишларини амалга ошириш борасида турли хил режалар муҳокама этилиб ўзаро ҳамкорликни йўлга қўйиш ҳақида тўрт томонлама шартнома имзоланди.

Шу куннинг ўзида Тошкент Педиатрия тиббиёт институтининг кардиохирургия бўлинмасида Бундан Ча госпитали ходимлари маҳаллий шифокорлар билан биргаликда Тошкент шаҳри, Тошкент, Наманган, Сирдарё, Сурхандарё, Фарғона вилоятларидан, Қорақалпоғистон Республикасидан келган “туғма юрак нуқсони” ташхиси қўйилган 46 нафар ёш болаларни тиббий кўрикдан ўтказдилар. Текширувдан кейин 11 та бола (8 нафарини амалий жиҳатдан тиббий ёрдам кўрсатиш иш режасига, қолган учтасини ҳар эҳтимолга қарши захира гуруҳига киритиб) танлаб олинди. Танлаб олинган болаларни жорий йилнинг июнь-июль ойларида Кореянинг клиникаларида операция қилиш мўлжалланганди.

1 май куни Ўзбек миллий академик театрида “Соғлом авлод учун” халқаро хайрия жамғармаси ҳамда Корейс маданияти марказлари ассоциацияси ва “Junior Chamber International – JCI Korea” (Жанубий Корея) ёшлар ташкилоти вакилларининг ҳамкорлигида ҳар йили ўтказиб келинаётган “Оғриқсиз юрак” деб номланган акция ташкиллаштирилди. Ушбу хайрия концертида 2007-2010 йилларда Бундан Ча госпиталида бепул қилинган жарроҳлик операцияси туфайли саломатлигини тиклаб олган ёш болалар, “Junior Chamber International – JCI Korea” (Жанубий Корея) ёшлар ташкилоти томонидан таъсис этилган стипендиялар совриндорлари бўлиш бахтига муяссар бўлган талабалар иштирок этишди. Тантанали кечани “Junior Chamber International – JCI Korea” (Жанубий Корея) ёшлар ташкилоти, “Соғлом авлод учун” халқаро хайрия жамғармаси ва Корейс маданияти марказлари ассоциациясининг раҳбарлари очиб беришди. Тантананинг очилиш маросимидан кейин ёш истеъдодлар, ўзбек эстрадасининг таниқли ижрочилари иштирокидаги хайрия концерти бошланди. Концерт тугагач 2 -“Мурувват” уйининг тарбияланувчиларига тантанали равишда эсдалик совғалари тақдим этилди.

Тошкент Педиатрия тиббиёт институтининг кардиохирургия бўлинмасида Бундан Ча госпитали ходимлари томонидан амалга оширилган тиббий кўрик натижаларига кўра 8 нафар ёш беморлар, уларга ҳамроҳлик қилувчи қариндошларидан бири, таржимон ва Жамғарманинг мутасадди ходимларидан бирига Кореяга бориш учун расмий таклифнома берилди.

Жамғарма ходимлари томонидан Кореяга жўнаб кетиши кутилаётган беморлар ҳамда уларнинг яқин қриндошлари билан тегишли ташкилий ишлар олиб борилди. Жумладан, беморларни қайтадан тиббий кўрикдан ўтказишди, расмий ҳужжатлари тайёрлаб берилди. Шу нарсани алоҳида таъкидлаб ўтмоқчимизки, томонлар ўртасида тузилган Шартномага кўра дардига малҳам излаб хорижга жўнамоқчи бўлаётган ёш юртдошларимиз, уларнинг яқинларининг сафар билан боғлиқ барча сарф-ҳаражатларини қоплашни “Junior Chamber International – JCI Korea” (Жанубий Корея) ёшлар ташкилоти ўз зиммасига олди. Жамғарманинг хайрли ишларида узвий ҳамкорлик қилиб келаётган “Ўзбекистон ҳаво йўллари” МАК юртдошларимизни хорижий сафарга жўнаб кетишига яқиндан кўмак берди.

Кореяга жўнаб кетиши кутилаётган беморларни икки босқичда сафарга отлантириш режалаштирилган. Сафарнинг биринчи босқичи 24 июньдан 5 июльгача амалга оширилади, иккинчи босқич эса 3-15 июль даврида бўлади.

Режага мувофиқ ўтган йилнинг 24 июнида 4 нафар бемор бола, уларнинг яқин қариндошлари, Жамғарманинг масъул ходими ҳамда таржимондан иборат жами 10 кишилик делегация Кореяга учиб кетди. Бундан Ча госпиталига етиб келган меҳмонларнинг ҳаммаси алоҳида палаталарга жойлаштирилди. Беморлар қайтадан тиббий кўрикдан ўтказилгач, 28 июнь куни Қорақалпоғистон Республикаси фуқароси 2007 йилда туғилган Бахтиёрова Муслима ва тошкентлик 2002 йилда туғилган Тен Наталья операция қилинди. 29 июнь куни Фарғона вилоятидан келган 2008 йилда туғилган Мансуров Жавоҳирбек операция қилинди. Сурхондарё вилоятидан келган 2007 йилда туғилган Машарипов Мадаминбек жиддий қон касаллиги аниқлангани боис операция қилинмади.

Хорижий сафарга жўнаб кетган беморларнинг биринчи гуруҳи шу йилнинг 5 июлида юртимизга қайтиб келади. Иккинчи навбатдаги беморлар Кореяга 3 июль куни жўнатилади.

Шу нарсани алоҳида таъкидлаб ўтмоқчимизки, Бундан Ча госпиталида операция қилинган ҳар битта беморга саломалигини тўлиқ тиклаб олиши учун 3-6 ойга етадиган зарур дори-дармонлар бепул берилди. Ватанига қайтиб келганидан кейин ёш юртдошларимиз Тошкент Педиатрия тиббиёт институти клиникасида врачлар назоратида бўлишади.

 

Кореянинг Ча университети қошидаги Бундан Ча госпитали билан ҳамкорлик

2011йилнинг 30 апрель куни “Соғлом авлод учун” халқаро хайрия жамғармасининг офисида Кореянинг Ча университети қошидаги Бундан Ча госпитали раҳбарияти билан олиб борилган музокаралар давомида томонлар шу вақтгача амал қилган иккиёқлама шартнома доираисни янада кенгайтириш ҳақида келишиб олишди. Бунинг натижасида томонлар шу йилнинг 2 июнида янги иккиёқлама шартномани имзолашга муваффақ бўлдилар. Бу келишувга асосан томонлар ўзаро ҳамкорликда учта – республикамизнинг тиббиёт тизимида фаолият юритувчи мутахассисларни Жанубий Кореянинг етакчи клиникаларида малака ошириш, юртимизда тиббиёт соҳаси фаолият юритувчи мутахассислар учун соҳанинг долзарб муаммолари, амалиёт ютуқлари ҳақида маърузалар ташкил этиш, халқимиз орасида кўз касалликлари бор бўлган беморларни жарроҳлик йўли билан даволашга ёрдам қилишга қаратилган янги гуманитар лойиҳалар устида иш олиб боришди.

Бундан Ча госпиталида клиник амалиёт ўтаб қайтиш дастури доирасида Жамғарма ҳамда Республика Соғлиқни сақлаш вазирлиги ходимлари томонидан юртимизда тиббиётнинг педиатрия, акушерлик, жарроҳлик, шошилинч тиббий ёрдам ва ички касалликлар тиббиёти соҳаларида фаолият юритувчи мутахассислар орасидан инглиз тилини мукаммал биладиган ва ушбу тилда эркин сўзлаша оладиган 18 киши танлаб олинди. Танловда Тошкент шаҳридан, Наманган ва Сурхондарё вилоятларидан врачлар қатнашди. Танловда ғолиб деб топилган иштирокчилар 4 кишилик гуруҳларга ажратиб олинди. Ҳар бир гуруҳга кирган врачлар Бундан Ча госпиталида ўтадиган клиник амалиётни икки ой давомида тамомлашади.

Шу дастурга мувофиқ биринчи гуруҳ аъзолари Кореяга шу йилнинг 20 июнида йўлга чиқишади. Бу гуруҳга қуйидаги мутахассислар киритилган:

1. Собитова Васила Илёсовна, 1982 йилда туғилган, Республика педиатрияга ихтисослашган илмий-амалий марказнинг педиатр-гепатологи.
2. Ризаева Хилола Мирсаидовна, 1976 йилда туғилган, Тошкент Педиатрия тиббиёт институтининг врач педиатри.
3. Баймаков Сайфиддин Рисбаевич, 1972 йилда туғилган, Тошкент Тиббиёт академияси госпитал хирургия кафедрасининг ассистенти, жарроҳ.
4. Эшонхонов Давронхон Абдурашидхонович, 1979 йилда туғилган, Наманган вилояти Поп тумани Тиббиёт бирлашмасининг жарроҳи.

Биринчи гуруҳ аъзоларининг сафардан қайтиш муддати жорий йилнинг 16 августига белгиланган.

Иккинчи гуруҳга иккита акушер гинеколог, врач рентгенолог ва иккита жарроҳ киритилди. Улар 2011 йилнинг 15 август куни жўнаб кетишди. Қуйида иккинчи гуруҳга кирган шифокорлар рўйхати келтирилди:

1. Ли Людмила Климовна, 1960 йилда туғилган, Республика ихтисослашган илмий амалий марказнинг акушер гинекологи;
2. Қурбонова Бернара Ғафуровна, 1981 йилда туғилган, Республика ихтисослашган Кардиология марказининг врач рентгенологи;
3. Эшонхонов Отабек Жўраевич, 1980 йилда туғилган, Тошкент Тиббиёт академияси стоматология факультетининг умумий жарроҳлик бўлими жарроҳи;
4. Маткулиев Ўткирбек Исмоилович, 1980 йилда туғилган, Тошкент Тиббиёт академиясининг госпитал жарроҳлик кафедрасининг ассистенти, жарроҳ.

Номи юқорида зикр этилган одамлар ўтган йилнинг 10 сентябрида юртимизга қайтиб келишди.

2011 йилнинг 10 октябрда сафарга жўнаб кетиши мўлжалланган учинчи гуруҳга иккита педиатр, реаниматолог, жарроҳ ва врач инфекционистлар киритилди. Қуйида учинчи гуруҳга кирган шифокорлар рўйхати келтирилди:

1. Назарова Барно Эркинжоновна, 1976 йилда туғилган, Республика Эндокринологияга ихтисослаштирилган илмий-амалий марказнинг педиатр-эндокринологи;
2. Ким Татьяна Львовна, 1967 йилда туғилган, Республика Шошилинч ёрдам тиббий ёрдам марказининг педиатри;
3. Мирахмедов Ғайрат Мирахмедович, 1977 йилда туғилган, Республика Шошилинч ёрдам тиббий ёрдам марказининг реаниматологи;
4. Маликов Махмуд Юсуфович, 1984 йилда туғилган, Республика Шошилинч ёрдам тиббий ёрдам марказининг жарроҳи;
5. Анваров Жахонгир Абралович, 1982 йилда туғилган, Эпидемиология, микробиология ва инфекцион касалликлар илмий тадқиқот институтининг инфекционисти.

Номи юқорида зикр этилган одамлар ўтган йилнинг 5 декабрида юртимизга қайтиб келишди.

Тўртинчи гуруҳга педиатр, жарроҳ, иккита акушер гинеколог кирди. Улар 2011 йилнинг 12 декабрида сафарга жўнаб кетишди.

Қуйида тўртинчи гуруҳга кирган шифокорлар рўйхати келтирилди:

1. Турсунов Дониёр Комилжонович, 1982 йилда туғилган, Республика Шошилинч ёрдам тиббий ёрдам марказининг педиатри;
2. Жўрабоев Нуритдин, 1976 йилда туғилган, Республика Шошилинч ёрдам тиббий ёрдам марказининг Сирдарё туман филиалида жарроҳ;
3. Рўзметова Зилола Абдушариповна, 1968 йилда туғилган, Республика акушерлик ва гинекологияга ихтисослаштирилган тиббий илмий амалий марказнинг акушер гинекологи;
4. Азимова Эльмира Ибрагимовна, 1967 йилда туғилган, Республика акушерлик ва гинекологияга ихтисослаштирилган тиббий илмий амалий марказнинг акушер гинекологи.

Номи юқорида зикр этилган одамларнинг юртимизга қайтиб келиши 2012 йил февраль ойида кутилмоқда.

Хорижий меҳмонларни республикамизга келиб кетишига доир Ўзбекистон Республикаси Бош вазирининг ўринбосари тасдиқлаган дастурга мувофиқ жорий йилнинг 26 июнидан 1 июльгача Бундан Ча госпиталининг 8 кишидан иборат расмий вакиллари келишди.

26 июнь куни Жамғарма ходимлари меҳмонларни Тошкент аэропортида кутиб олдилар.

27 – 30 июнь кунлари хорижий делегация аъзоларининг бир қисми Республика кўз касалликлари шифохонасида беморларни тиббий кўрикдан ўтказиб унинг давомида операция қилиниши кутилаётган беморларнинг умумий ҳолати ўрганилди. Шундан кейин катаракта хасталигига чалинган беморлар жарроҳлик йўли билан даволанди. Кўрикдан ўтказиладиган ва операция қилинадиган беморларнинг рўйхати илгари Ўзбекистон Республикаси Соғлиқни сақлаш вазирлиги томонидан тасдиқланган эди.

Хорижий делегация таркибида келган меҳмонларнинг иккинчи гуруҳи Ўзбекистон Республикаси Соғлиқни сақлаш вазирлигининг 2011 йилнинг 17 июнь кунидаги 918 сонли Фармойишига асосан Тошкент шаҳрининг турли хил тиббий муассасаларида маърузалар ўқидилар. Жумладан, 27 июнь куни хорижий меҳмонлар Республика педиатрияга ихтисослашган илмий-амалий марказида, 28 июнь куни эса Республика акушерлик ва гинекологияга ихтисослашган илмий-амалий марказида бўлишиб у ердаги мутахассисларга “Темир моддаси етишмаслиги асосида юзага келган камқонликнинг витамин Д етишмовчилигининг асимптоматик клиникаси билан боғлиқ ҳолда кечиши”, “Кореяда сил касаллигининг олдини олиш борасида қилинаётган ишлар”, “Оилани режалаштиришда контрацепция воситаларидан фойдаланиш”, “Акушерлик соҳасида УТТдан фойдаланиш” каби мавзуларда маърузалар ўқилди.

29 июнь кунининг биринчи ярмида Республика педиатрияга ихтисослашган илмий-амалий марказида хорижий мутахассислар ҳамширалик фаолиятига тааллуқли бўлган мавзуларда маъруза қилдилар. Кунинг иккинчи ярмида ва эртасига “Соғлом авлод учун” хайрия жамғармасининг қошидаги Тиббий ижтимоий патронаж биносида ҳомиладор аёллар ва ёш оналар учун махсус маърузалар ўқилди.

30 июньнинг иккинчи ярмида хорижий делегация вакиллари Тошкент вилоятига сафарга чиқдилар. Улар Гулистон қишлоғидаги болалар боғчасини ҳамда Юқори Чирчиқда А.Яссавий номидаги қишлоқдаги “Ориранг” номли қариялар уйини бориб кўришди.

1 июльнинг биринчи ярмида делегация аъзолари қилинган ишларини сарҳисоб қилдилар. Куннинг икинчи ярмида меҳмонларни Тошкент шаҳрининг тарихий обидалари, диққатга сазовор жойлари кўрсатилди. Шу куни тунда меҳмонлар халқаро аэропортдан ўз юртига жўнаб кетишди.