Warning: Invalid argument supplied for foreach() in /srv/www/vhosts/sau.uz/httpdocs/wp-content/plugins/rss-poster/RSSPoster.php on line 489
Bokschilarimizning uch medali
O‘zA, Zohir Toshxo‘jayev, 03.02.2012 16:26
Yangi sport mavsumini muvaffaqiyatli boshlagan o‘zbekistonlik bokschilar Qirg‘izistonda o‘tgan xalqaro turnirda bittadan oltin, kumush va bronza medalni qo‘lga kiritdi.
Bishkek shahrida tashkil etilgan xalqaro musobaqada mezbonlardan tashqari O‘zbekiston, Rossiya, Xitoy, Qozog‘iston va Tojikistondan kelgan jami ikki yuz nafardan ziyod charm qo‘lqop ustasi g‘oliblik uchun kuch sinashdi.
Vazni 81 kilogrammgacha bo‘lgan bokschilar o‘rtasida oltin medal o‘zbekistonlik Oybek Mamazulunovga nasib etdi. Kuchli texnika, mustahkam himoya va tezkor zarbaga ega hamyurtimiz turnir davomida ketma-ket to‘rt bellashuvda raqiblarini katta ustunlik bilan yengdi va shohsupaning eng yuqori pog‘onasiga ko‘tarildi.
O‘zbekiston terma jamoasiga nomzod Shahobiddin Zoirov og‘irligi 49 kilogrammgacha bo‘lgan bokschilar o‘rtasida uchta jangda g‘alaba qozonib, xalqaro turnirning kumush medaliga sazovor bo‘ldi. Iste’dodli yosh bokschimiz Shohrux Xo‘jabekov esa 56 kilogramm vazn toifasida uchinchi o‘rinni egallab, bronza medal bilan taqdirlandi.
So‘nggi yangiliklar:
To‘kinlik, farovonlik va baraka omili
Xolisona tahlil va tanqid ruhida
Ustuvor vazifalar muhokama etildi
