Хукуматга қарашли бўлмаган “Соғлом авлод учун”халқаро хайрия жамғармаси кўп йиллардан буён халқимиз саломатлигини асраш, оналик ва болаликни мухофаза қилиш борасида қатор хайрли ишларни амалга ошириб келмоқда.
Бундай кенг кўламли ишлар самарадорлигини янада ошириш мақсадида жамғарма хорижий хамкорлар билан икки томонлама манфаатли алоқаларни йўлга қўйган.2010- йилдан буён Сеул Миллий Университети қошидаги госпиталь,Ўзбекистон Республиаси Соғлиқни сақлаш вазирлиги ва “Соғлом авлод учун” халқаро хайрия жамғармаси ўртасида имзоланган шартномага биноан кўпгина хайрия акциялари қатори, Республикамизда туғма юрак хасталиги бор болаларни даволаш борасида қатор амалий ишлар қилинди.
Жорий йилда хам Тошкент Педиатрия тиббиёт институтининг клиникасида бир қанча бемор болалар дардига шифо топдилар. Шу кунларда Қорақалпоғистон Республикаси Амударё тумани Манғит шахрида истиқомат қилувчи ёш оилалардан бирида туғма юрак хасталиги билан дунёга келган Шахло Бозорбоева жаррохлик йўли билан операция қилинди. Жамғарманинг кам таьминланган оилаларга ижтимоий ёрдам кўрсатиш дастурига мувофиқ олиб борилган чора-тадбирлар доирасида унга беғараз малакали тиббий хизмат кўрсатилди. Шахло 2010-йилда илк бора операция қилинган бўлиб,жорий йилда жаррохлик амалиётининг сўнги босқичи амалга оширилди.
