Ижтимоий ҳимояга муҳтож аҳоли қатламига ёрдам бериш, ҳар томонлама қўллаб-қувватлаш, соғлом авлодни тарбиялаш борасидаги ишларда нафақат давлат ташкилотлари, балки нодавлат ташкилотларининг ҳам алохида ўрни бор. “Соғлом авлод учун” ҳалқаро хайрия жамғармаси ҳам оналар ва болалар саломатлигини мустаҳкамлаш, кам таъминланган оилалардаги бемор болаларни ижтимоий ва тиббий жиҳатдан қўллаб-қувватлаш борасида муҳим ишларни амалга ошириб келмоқда. Шу мақсадда, Жамғарма томонидан бемор болаларни чет эл нуфузли клиникаларида даволаш махсус дастури ишлаб чиқилган.
Ҳар қандай миллатнинг асосий бойлиги – оналар ва болалар саломатлигидир. Шундай экан, оналик ва болаликни муҳофаза қилиш миллат келажагини муҳофаза қилиш билан баробардир.
2002 йилда “Соғлом авлод учун” халқаро ҳайрия жамғармаси, Ўзбекистон Республикаси Соғлиқни сақлаш вазирлиги, Германиянинг “Фриденсдорф Интернейшнл” халқаро ташкилоти биргаликда уч томонлама ҳамкорлик битими имзоланган эди. Германиянинг “Фриденсдорф Интернейшнл” халқаро ташкилоти 1967 йили ташкил топган бўлиб, дунёдаги 35 дан ортиқ давлатлар билан ўзаро хамкорлик қилади. Ҳамкорлик доирасида ривожланаётган мамлакатлардаги 12 ёшгача бўлган бемор ва ногирон болаларни даволаш ва реабилитация қилиш билан шуғулланадилар. 2002-2011 йиллар давомида 183 нафар Ўзбекистонлик бемор болалар терининг куйиш асоратлари, туғма қўл-оёқ бўғимлари ва бошқа ташхислар билан Германиянинг нуфузли клиникаларида даволанишди.
Ушбу халқаро ташкилотнинг грант маблағи ҳисобига 2011 йил давомида республика бўйича жами 250 нафар туғма лаб танглай нуқсони бўлган ногирон болаларда 27 262,8 минг сўм маблағ доирасида жарроҳлик операциялари ўтказилди.
Шу билан бир қаторда “Чиройли оёқчалар” лойихаси доирасида туғма оёқ нуқсони (маймоқлик) ва “Қийшиқ бўйин” ташхиси билан 15 ёшгача бўлган болаларни операция қилиш мақсадида 2011 йил давомида 250 нафар бемор болалар операция қилинди ва жами харажат 20 770,0 минг сўмни ташкил этди.
2011 йилда 16 нафар 1 ёшдан 12 ёшгача бўлган бемор болалар Германия клиникаларида даволаниш учун юборилди ва даволаниш босқичи тугагач болалар соғлом ҳолда ота-оналари бағрига қайтишди. Ҳозирги кунда 12 нафар бемор болалар Германия клиникаларида даволанишни давом эттирди.
Шулардан қуйидаги 5 нафар соғломлаштирилган болалар жорий йилнинг 16 феврал куни Германия Федератив Республикадан қайтиб келган эди.
| № | Ф.И.Ш. | Туғилган йили | Манзил |
| 1 | Абдуллаев Бахром | 1998 | Самарқанд вилояти, Пастдарғом тумани |
| 2 | Обламуродов Шахзод | 2001 | Тошкент вилояти, Бекобод тумани |
| 3 | Мухаммаджонов Шахзодбек | 2001 | Тошкент вилояти, Охангарон тумани |
| 4 | Рамазонова Муаттар | 2001 | Бухоро вилояти, Бухоро шаҳри |
| 5 | Парвина Асланова | 2000 | Бухоро вилояти, Бухоро шаҳри |
2012 йил 18 февралда қуйидаги 7 нафар бемор болалар Германия клиникаларида даволаниш учун жамғарманинг вакиллари хамрохлигида Германияга жўнаб кетишди.Улар Германия клиникаларида 6 ойдан 3 йил муддатгача даволаниб қайтишади.
| № | Ф.И.Ш. | Туғилган йили | Манзил | Касаллик тури |
| 1 | Чулибоев Давлатбек | 20.12.2002 | Сирдарё вил, Ширин шаҳри | Қўлтиқ сохаси куйиши |
| 2 | Исмоилов Илхомжон | 23.03.2001 | Наманган вил, Бекобод тумани | Тана ва чап оёқ куйиши |
| 3 | Турсуналиева Ортиқниса | 22.04.2003 | Наманган вил, Поп тумани | Чап оёқ болдир соҳаси |
| 4 | Болтаева Жасмина | 08.09.2004 | Бухоро вил, Қоракўл тумани | Анна-Мария синдроми |
| 5 | Раджабов Рузимурод | 16.01.1999 | Қашқадарё вил, Яккабоғ тумани | Қўл бармоқлар контрактуралари |
| 6 | ОқбўтаевУмид | 08.03.2003 | Тошкент вил, Оққўрғон тумани | Сийдик қопи туғма нуқсони |
| 7 | Тўраев Умиджон | 02.08.2004 | Бухоро вил, Когон тумани | Артрогриппоз асорати |
