9-may — Xotira va qadrlash kuni munosabati bilan “Sog‘lom avlod uchun” xalqaro xayriya fondi jamoasi Yuqori Chirchiq tumani “Arirang” pansionatiga tashrif buyurdi.

Tashrif davomida pansionatda istiqomat qilayotgan nuroniy otaxon va onaxonlar holidan xabar olinib, ularga bayramona kayfiyat ulashildi.

Keksalarning samimiy duolari, yuzidagi tabassum va quvonch biz uchun eng katta baxt bo‘ldi. Ozgina e’tibor va mehr ham ularning qalbiga iliqlik bag‘ishladi.

Yolg‘iz keksalarni qadrlash, ularga mehr ko‘rsatish — insoniylikning eng go‘zal fazilatlaridan biridir.

Ezgu ishlar davom etadi!