Iqtidorli bolalarni qo‘llab-quvvatlash va yangi iste'dodlarni aniqlash maqsadida 1998 yildan buyon, har yili fond tomonidan musiqa maktablari o‘quvchilari o‘rtasida "San'at g‘unchalari" Respublika tanlovi o‘tkaziladi.
2016 yilda "San'at g‘unchalari" tanlovi Xalqaro tanlov maqomini oldi. Ushbu tanlov ikki yo‘nalishda – damli va zarbli cholg‘u asboblari bo‘yicha o‘tkaziladi.
"San'at g‘unchalari" damli va zarbli cholg‘ular ijrochilari tanlovida har yili O‘zbekiston, Tojikiston, Qozog‘iston, Qirg‘iziston, Rossiya Federatsiyasi, Turkmaniston, Turkiya, Ozarbayjon Respublikasi va boshqa mamlakatlardan 500 dan ortiq ijrochilar ishtirok etmoqda. So‘nggi yillarda tanlovda g‘olib chiqqan yosh iste'dodlar ham xalqaro tanlovlar laureati bo‘lishdi.
Iqtidorli bolalarni qo‘llab-quvvatlash va yangi iste'dodlarni aniqlash maqsadida fond tashabbusi bilan 1998 yildan beri har yili bolalar bog‘chalari, musiqa maktablari, musiqa kollejlari va liseylari, Davlat konservatoriyasi o‘quvchilari o‘rtasida "Navro‘z sadolari" Respublika ko‘rik-tanlovi o‘tkaziladi. 2015 yildan beri Fond, Madaniyat va turizm vazirligi bilan hamkorlikda ko‘p ovozlik ansambllar va xalq cholg‘ulari orkestrlarining xalqaro festivalini o‘tkazib kelmoqda, unda har yili 50 dan ortiq jamoalar, respublikamizning barcha viloyatlaridan, shuningdek, xorijiy mamlakatlardan, jami 1000 dan ortiq ishtirokchilar qatnashadilar.
Iqtidorli bolalarni qo‘llab-quvvatlash va yangi iste'dodlarni aniqlash maqsadida fond tashabbusi bilan 2010 yilda "ISTE'DOD" xalqaro tanlovi o‘tkazilgan. Ushbu tanlovda fortepiano, torli cholg‘u asboblari, an'anaviy qo‘shiq va estrada qo‘shiqlari bo‘yicha hamda yosh toifalari bo‘yicha guruhlar (birinchi guruh 12-15 yosh, ikkinchi guruh 16-19 yosh) ishtirok etadi.
Har yili Fond O‘zbekiston Respublikasi badiiy Akademiyasi bilan hamkorlikda ko‘rgazmalar zalida "Kamalak jilosi" rasmlar tanlovi o‘tkazilib, unda O‘zbekiston Respublikasining barcha hududlaridan 1000 nafardan ziyod "Mehribonlik" uylari tarbiyalanuvchilari ishtirok etadilar.
Fond har yili O‘zbekiston badiiy Akademiyasi bilan hamkorlikda “Er kurrasida tinchlik” rasmlar tanlovini o‘tkazadi, unda o‘rta ta'lim maktablari o‘quvchilari va bolalar bog‘chasidan 3000 dan ziyod bolalar ishtirok etadilar.
Fond tomonidan har yili ijtimoiy himoyaga muhtoj oilalarning farzandlari uchun "Soglom avlod" yozgi sog‘lomlashtirish bolalar dam olish markazini ochadi. Ushbu dam olish markazi 6 yoshdan 12 yoshgacha bo‘lgan bolalar uchun mo‘ljallangan bulib, butun faoliyati davomida jami 4000 dan ortiq bolalar xayriya yo‘li bilan dam olib sog‘lomlashtirilgan.
Fond tegishli vazirlik va idoralar bilan birgalikda har yili 1300 dan ortiq bolalar uchun poytaxtimizdagi «TAShKENTLEND» istirohat bog‘ida "HAR BIR BOLAGA E'TIBOR VA G‘AMXO‘RLIK" xayriya tadbirini tashkil etadi.
