«KOFIH» халқаро Соғлиқни сақлаш фонди (Корея Республикаси)билан ҳамкорлик
Ҳамкорлик доирасида Ўрта Чирчиқ болалар шифохонасини 500,0 минг Ақш доллари миқдорида тиббий асбоб-ускуналар билан жиҳозлаш лойиҳаси амалга оширилди.
Фонднинг тиббий-ижтимоий патронаж тизимини такомиллаштириш мақсадида 2009 йилда тиббий асбоб-ускуналар билан жиҳозланган автотронспорт Хундай – «Мобильная клиника» ҳамда 2013 йилда эса автоамбуланс «Hyundai Starex Фондга ўтказилди.
2011 йилда Фонднинг тиббий-ижтимоий марказининг янги биносини қуриш ва уни замонавий тиббий асбоб-ускуналар билан жиҳозлаш лойиҳаси амалга оширилди ва Марказ ходимлари Кореядаги тиббиёт муассасаларида ўқитилди. Шу билан бирга, лойиҳа миқдори 560,0 минг Ақш долларини ташкил этди.
2007-2012 йиллар давомида шифокорларни тайёрлаш дастури доирасида Корея Республикасида хайрия асосида 30 нафар соғлиқни сақлаш мутахассиси тайёрланди.
2015 йилда Тошкент вилояти аҳолисини тиббий кўрикдан ўтказиш бўйича 3 минг 473 нафардан ортиқ кишини 62,9 минг Ақш доллари миқдорида дори воситалари билан таъминлаш лойиҳаси амалга оширилди.
2016-2017 йилларда Ўзбекистон соғлиқни сақлаш тизими муҳандисларининг малакасини ошириш мақсадида Республика шошилинч тиббий ёрдам илмий маркази базасида республиканинг 82 нафар муҳандис-техник мутахассисларини қамраб олган ҳолда тиббий асбоб-ускуналардан фойдаланиш бўйича семинар ўтказилди
«Save the Children» (Республика Корея) - 2011 йилда имзоланган англашув меморандуми доирасида Ўзбекистон Республикаси Соғлиқни сақлаш вазирлиги Тошкент Педиатрия тиббиёт институти клиникасининг жарраҳлик ва жонлантириш бўлимларини 47,2 минг Ақш доллари миқдоридаги тиббий асбоб-ускуналар, ва дори-дармонлар билан жиҳозлаш лойиҳаси амалга оширилди.
2011-2016 йилларда. Тошкент Педиатрия тиббиёт институти клиникаси базасида мазкур ташкилот томонидан тақдим этилган оксигенаторлар ва уларга линиялар ёрдамида туғма юрак хасталиги ташхиси қўйилган 247 нафар бемор болага жарроҳли амалиёти ўтказиш лойиҳаси амалга оширилди.
2016 йил январ ойида “Save the Children” ташкилоти Соглом Авлод учун Фонднинг мол-мулкига умумий қиймати 102,2 миллион сўм бўлган бино, иккита автомобил ва офис мебели ва аксессуарлари кўринишидаги товар-моддий бойликларни ҳадя қилди.
«Суаджин» ва «Седжонг» госпиталлари (Корея Республикаси)билан ҳамкорлик
2018 йил 3 майда имзоланган шартнома доирасида туғма юрак хасталикларини бартараф этиш бўйича Ўзбекистон Республикаси Соғлиқни сақлаш вазирлиги Тошкент Педиатрия тиббиёт институти клиникасида тиббий кўрик вақтида танлаб олинган болалар учун бепул жарроҳлик амалиётлари ўтказиш лойиҳаси амалга оширилди. Жумладан, 2018-2019 йилларда 68 бола тиббий кўрикдан ўтказилди ва 19 бола бепул жарроҳлик амалиётидан ўтказилди.
«Probono International Cooperation» (Республика Корея) ҳалқаро ташкилоти билан ҳамкорлик
2016 йил 13 сентябрда имзоланган шартнома доирасида Фонднинг минтақалараро тиббий-ижтимоий ёрдам гуруҳи мутахассислари томонидан Тошкент вилоятининг олим ҳудудлари аҳолисини тиббий кўрикдан ўтказиш лойиҳаси амалга оширилди.
2016-2017 йилларда 3461 аҳоли қамраб олиниб, уларга 130 миллион сўмликдан зиёд дори-дармон ва тиббий буюмлар кўринишидаги мурувват ёрдам кўрсатилди.
«Ewha Women’s University» (Республика Корея) Унивеситети тиббиёт мактаби билан ҳамкорлик
2014 йил 9 январда имзоланган шартнома доирасида кореялик шифокорлар томонидан мамлакат аҳолисини тиббий кўрикдан ўтказиш лойиҳаси амалга оширилди.
2014-2017 йиллар мобайнида 3467 аҳоли тиббий кўрикдан ўтказилди ва уларга дори-дармон ва тиббий буюмлар кўринишидаги мурувват ёрдам кўрсатилди.
Ёнсеи университети қошидаги Severance касалхонаси билан ҳамкорлик (Корея Республикаси)
2014 йилда ҳамкорлик доирасида 700 дан ортиқ аҳолини тиббий кўрикдан ўтказиш, дори-дармонларни инсонпарварлик ёрдами шаклида тарқатиш лойиҳаси амалга оширилди, шунингдек, 2237 нафар боланинг офталмологик текшируви ўтказилди.
2017 йил 28 майдан 1 июнгача бўлган даврда ҳамкорлик доирасида кореялик мутахассислар томонидан юз ва оёқ-қўлларнинг туғма ва орттирилган патологиялари (юз ва оёқ-қўлларнинг куйишдан кейинги контрактуралари, юз ва оёқ-қўлларнинг анормалликлари) билан операцияларни бажариш лойиҳаси амалга оширилди. Шундай қилиб, хайрия тадбири доирасида жами 401 бола кўрикдан ўтказилди ва 35 бола операция қилинди.
"JCI" халқаро ташкилотининг "Пундан Ча" касалхонаси ва "Сежонг" касалхонаси билан ҳамкорлик (Корея Республикаси)
Ўзбекистон Республикаси Соғлиқни сақлаш вазирлиги , " JCI Korea" халқаро ёшлар ташкилоти, "Ча" тиббиёт университети қошидаги "Пундан Ча" шифохонаси, ҳамда "Соғлом авлод учун " фонди ўртасида тузилган уч томонлама битим доирасида 2009-2019 йиллар давомида Тошкент Педиатрия тиббиёт институти клиникасида туғма юрак хасталиги билан оғриган беморларнинг 275 нафари тиббий кўрикдан ўтказилди, улардан 87 нафар бола хайрия асосида Корея Республикаси клиникаларида муваффақиятли операция қилинди.
" Siloam Center For The Blind "хайрия ташкилоти билан ҳамкорлик (Корея Республикаси)
2015-2018 йилларда ҳамкорлик доирасида қуйидаги лойиҳалар амалга оширилди:Тошкент шаҳридаги кўзи ожизлар учун ихтисослаштирилган мактаб, Оҳангарон шаҳрида жойлашган 58-сонли имконияти чекланган болалар учун ихтисослаштирилган мактаб ва Янгийўл шаҳрида жойлашган 70-сонли ихтисослаштирилган мактабнинг умумий қиймати 105,7 минг Ақш долларига тенг миқдорда моддий-техник базасини мустаҳкамланди.Республиканинг имконияти чекланган ижтимоий ҳимояга муҳтож аҳоли қатламига жами 2000 дона, 14,7 минг Ақш доллари миқдорида қўлтиктаёқлар тақдим этилди. Ҳамкорлик доирасида Қорақалпоғистон Республикасининг ижтимоий кўмакка муҳтож аҳолиси учун катарактани олиб ташлаш ва линзаларни алмаштириш бўйича 31 та хайрия операциясини ўтказиш лойиҳаси амалга оширилди.
Қорақалпоғистон Республикасидан 3 нафар офтальмолог ва реабилитация ва физиотерапия соҳасидан 8 нафар шифокор Корея Республикасида малака ошириб келди.
Қорақалпоғистон Республикаси офталмология шифохонасида витреоретинал патологияси бўлган 45 нафар бемор текширилиб, 6 та мураккаб офталмологик операция бепул ўтказилди.
Республика ихтисослаштирилган терапия ва тиббий реабилитация илмий-амалий марказига 45,0 минг Ақш доллари миқдорида гуманитар ёрдам шаклида махсус реабилитация ускуналари ва инвентарлари топширилди ҳамда A. Навоий номидаги Ўзбекистон Давлат академик катта театрида Корея анъанавий кўзи ожизлар мусиқий оркестрининг хайрия консерти ҳам ташкил этилди.
Ин Ҳа университети касалхонаси билан ҳамкорлик
(Корея Республикаси)
Ўзбекистон Республикаси Соғлиқни сақлаш вазирлиги, Ин Ҳа университети касалхонаси ва “Соглом Авлод учун” фонди ўртасида 2010 йил сентябр ойида имзоланган соғлиқни сақлаш соҳасидаги ҳамкорлик тўғрисидаги уч томонлама битим доирасида 2010-2018 йиллар давомида Ин Ҳа университети шифохонаси мутахассислари томонидан жами 8430 нафар аҳоли тиббий кўрикдан ўтказилган, шундан 10 нафари Корея Республикаси клиникаларида операция қилинган.
Бундан ташқари, ушбу шифохонадан умумий қиймати 224,0 минг АҚШ доллар бўлган дори-дармон ва тиббий буюмлар кўринишидаги инсонпарварлик ёрдами юклари олинди.
" Vision Care " халқаро ташкилоти ва " POSCO DAEWOOl "
корпорацияси билан ҳамкорлик (Корея Республикаси)
2014 йилдан 2018 йилгача бўлган даврда кореялик “Vision Care” офтальмологлари " POSCO DAEWOOl " корпорациясининг молиявий кўмаги билан Бухоро ҳамда Фарғона вилоятларининг кўп тармоқли тиббиёт марказларида жами 5699 нафар кишини тиббий кўрикдан ўтказди ва шулардан 848 нафарига катарактни йўқ қилиш ва линзаларни алмаштириш операцияларини хайрия тариқасида амалга оширдилар.
Шифокорлар томонидан текширилган ҳар бир кишига шифокорлар буюрган тегишли дори-дармонлар берилди ва кўпчиликка кўзойнак, кўришни сақлаб қолиш учун дори-дармонлар буюрилди.
