2002 yilda "Sog‘lom avlod uchun" xalqaro xayriya fondi, O‘zbekiston Respublikasi Sog‘liqni saqlash vazirligi va “Friedensdorf International” xalqaro tashkiloti (Germaniya) bilan shartnoma tuzildi.
“Friedensdorf International” xalqaro tashkiloti 1967 yilda tashkil topgan bo‘lib, dunyoning 35dan ortiq mamlakatlarida faoliyat yuritadi. Tashkilotning asosiy vazifasi 12 yoshgacha bo‘lgan bemor bolalarni davolash va reabilitasiya qilishda yordam berishdir. 2002-2023 yillarda O‘zbekistondan 435 nafar bemor bolalar davolanish uchun Germaniyaga yuborilgan (davolanish muddati 6 oydan 1,5 – 3 yilgacha).
2004 yildan boshlab Germaniyaning“Friedensdorf International” xalqaro tashkilotidan O‘zbekiston Respublikasiga ajratilgan grant mablag‘lari doirasida sog‘lomlashtirish loyihalari amalga oshirib kelinmoqda, 2003 yildan-2023 yilning 9 oyida 6716 nafar tug‘ma yuz, lab va tanglayning nuqsonlari, shuningdek, bo‘yin va oyoqning tug‘ma ortopedik (qiyshiq bo‘yin va maymoq oyoq) nuqsonlari bilan og‘rigan bemor bolalar O‘zbekiston Respublikasi klinikalarida (Andijon, Buxoro, Farg‘ona, Qashqadaryo, Samarqand viloyat bolalar ko‘p tarmoqli tibbiyot markazlari va Toshkent Davlat stomatologiya instituti klinikasida) muvaffaqiyatli operatsiyalar amalga oshirildi. Bugungi kunda “Friedensdorf International” (Germaniya) xalqaro tashkilotining grant mablag‘lari hisobiga O‘zbekiston respublikasi va xorijiy klinikalarda tug‘ma yurak nuqsoniga chalingan bemor bolalar va o‘smirlarni sog‘lomlashtirish loyihasi amalga oshirilmoqda.
2015 yildan-2023 yilning 9 oyi mobaynida Tug‘ma yurak nuqsoniga tashhisi bilan jami 863 nafar bemor bolalar muvoffaqiyatli operatsiya qilindi, bundan O‘zbekiston Respublikasi Toshkent Pediatriya tibbiyot instituti klinikasida yurak nuqsonlarining og‘ir shakllari bo‘lgan 561 nafar bemor bolalar, Hindistonning «Artemis» klinikasida 85 nafar bolalar, Samarqand viloyat bolalar ko‘p tarmoqli tibbiyot markazida 82 nafar bolalar «Maksud Akmal yurak qon tomir markazi» MChJ bilan birgalikda (Samarqand), MChJ "Ezgu Niyat" klinikasida 34 nafar bolalar (Toshkent), MChJ «ERA MED» klinikasida (Toshkent) 83 nafar bolalar, “EurAsia Heart-a Swiss Medikal Foundation” jamg‘armasi (Shveysariya) bilan xamkorlikda, shuningdek akademik V. Vaxidov nomidagi Respublika ixtisoslashtirilgan xirurgiya ilmiy-amaliy tibbiyot markazida 7 nafar bolalar, Farg‘ona viloyat bolalar ko‘p tarmoqli tibbiyot markazida 6 nafar bolalar, «AKFAMEDLINE» MChJda (Toshkent) 4 nafar bolalar hamda 1 nafar bola «IHLOS-DOCTOR MT» klinikasida (Toshkent) operatsiya qilindilar. Bugungi kunda ushbu loyiha samarali davom ettirilmoqda.
Germaniyaning «Friedensdorf International» xalqaro tashkiloti grant mablag‘lari hisobiga lab-tanglay, ortopedik oyoq va bo‘yinning tug‘ma nuqsoni bo‘lgan bemor bolalarni respublikamiz klinikalarida operatsiya qilib 2003-2023 yillar oralig‘ida Respublikamiz klinikalarida jami 6716 nafar bemor bolalar operatsiya qilib sog‘lomlashtirildi.
O‘zbekiston respublikasi Sog‘liqni saqlash vazirligi, «Sog‘lom avlod uchun» xalqaro xayriya fondi va Germaniyaning “Friedensdorf International” xalqaro tashkiloti bilan uch tomonlama hamkorlik doirasida Germaniyalik shifokorlar har yili O‘zbekistonga tashrif buyurib, respublikamizning barcha viloyatlarida bemor bolalarni tibbiy ko‘rikdan o‘tkazishadi. Hamkorlik doirasida 2022 yilning may oyida Germaniyalik shifokorlar tomonidan 231 nafar bemor bolalar tibbiy ko‘rikdan o‘tkazilib, 40 nafar bemor bolalar Germaniya klinikalarida davolanish uchun tanlab olingan edi. Ulardan 10 nafari 2022 yilning 12 dekabrida Germaniyaga davolanishga yuborilgan bo‘lsa, 2023 yilning 8 noyabrida 9 nafar bemor bolalar jarrohlik amaliyotlari o‘tkazish maqsadida Germaniya klinikalariga davolanishga yuborilmoqda.
