Sirdaryo viloyati: Yangiyer shahri; Sayxunobod tumani, Guliston tumani, Sardoba tumani, Mirzaobod tumani.

Farg‘ona viloyati: Quvasoy shahri; Rishton tumani, Oltiariq tumani, Qo‘shtepa tumani, Quva tumani.

Jizzax viloyati: Arnasoy tumani, Do‘stlik tumani, Zarbdor tumani, Zafarobod tumani, Mirzacho‘l tumani.

MDJlar faoliyati O‘zbekiston Respublikasi Sog‘liqni saqlash vazirligi qo‘llanmalari, Jahon sog‘liqni saqlash tashkiloti (JSST) standartlari va xalqaro ilg‘or tajribalarga muvofiq amalga oshiriladi.

O‘zbekiston sog‘liqni saqlash tizimini qo‘llab-quvvatlash

Ushbu loyiha Tuberkulyozga qarshi kurashish milliy dasturini to‘ldiradi hamda O‘zbekiston Hukumatining insonga yo‘naltirilgan sog‘liqni saqlash tizimini rivojlantirish va jamoatchilik bilan tibbiyot muassasalari o‘rtasidagi hamkorlikni mustahkamlash borasidagi intilishlarini amalga oshirishga xizmat qiladi.

«Amerika Qo‘shma Shtatlari va O‘zbekiston O‘zbekiston xalqining sog‘lig‘i va farovonligini himoya qilishdan birdek manfaatdor — ushbu loyiha ana shu majburiyatning amaliy tasdiqlaridan biridir»

— AQSHning O‘zbekistondagi Elchisi Jonatan Xenik

Loyihaning amalga oshirilishi O‘zbekiston Respublikasi Adliya vazirligi va O‘zbekiston Respublikasi Sog‘liqni saqlash vazirligi tomonidan belgilangan tartibda kelishilgan va ma’qullangan.