“Sog‘lom avlod uchun” xayriya fondi Olmaliq shahar tayanch maskani homiyligi ostida shahrimizdagi ijtimoiy ko‘makka muhtoj oilalar farzandlarini emlash maqsadida Olmaliq shahar Sanitariya-epidemiologiya bo‘limi tomonidan virusli gepatit “A” kasalligiga qarshi 105 doza vaksina sovuqlik zanjiri talablariga qat’iy rioya qilingan holda olib kelindi va 2-sonli Oilaviy poliklinikaga topshirildi.

Emlash ishlari 2026-yil 27-mart kuni 2-sonli Oilaviy poliklinikaning emlash xonasida boshlandi. Tadbirning asosiy maqsadi ijtimoiy himoyaga muhtoj oilalar farzandlari salomatligini mustahkamlash hamda virusli gepatit “A” kasalligining oldini olishdan iboratdir.